Summerziit!

Durnä Aafrag vom JuBla Giswil hemmer doch gärn die Chance ergriffä ändlich wieder einisch d'Instrumänt abzstoibä und vielnä Chind im Lager ä grossi Fräid z'bereitä. S'Wätter hed nid so mitgspielt, isch aber gnädig gsii und hed iis immerhin nid total verseicht. Und s'Feedback und d'Fräid isch dr Uifwand allemal wärt gsii ;) Jetz hoffemer de ufe Septämber, wo miär nach aktuellem Stand eimal meh defid am Röthlin-Marathon musikalischi Underhaltig bietä. Susch chender oi afe ä Blick uf üsi Agända wärfe, da wärdid oi loifend wieder paar geplanti Aaläss uifgschaltäd.