Probebeginn

Bereits zwei Gsamtprobene sind scho hinder iis, no unzähligi wiiteri Registerprobene und üsi 5 Niwmälchä mechid das tiptop. Langsam wärdid oi die niwä Lieder chli gnauer aagluegt, s'Probeweekend isch ja scho wieder nimmä so wiit wäg. Und d'Vorfasnacht staht ja oi scho schier vor dr Türä. Aber zersch hemmer no es paar Summerprogramm-Aktivitäte wo mier gmeinsam gahnd go gniesse, ässe, üs sportlich betätige und natürlich eis trinkä.

S'Fasnachtsprogramm nimmt oi immer meh Gstalt aah (gfindid ier wie üblich under "Aaläss") und äs sind wieder paar Uiftritt drzue cho. Iisä Programmchef laht sich da oi nid lumpä, und wenn ja scho wieder chli ä eher längeri Fasnacht aastaht, daf mä ja oi eppä eis-zwei meh go spilä ;)