Absage um Absage um Absage...

 

Leider isch erwartigsgmäss oi iisä Verein betroffä vo dr aktuelle Situation idr Schwiiz. Demnach müend mier schwären Härzens näbst üsem Info-Hock oi dr Gönnerbrunch vorläufig absäge bzw. uf unbestimmti Ziit verschiebe. Alli betroffene Persone wärdid natürlich no persönlich und schriftlich über de Umstand informiert. Sobald sich d'Lag hoffentlich in naher Zuekunft wieder beruhigt, wärdid mier natürlich möglichst bald versueche die Aaläss naazhole. Insbesondere wettid mier üsnä zahlriichä Gönner, Sponsore und Hälfer uf kei Fall äs gmiätlichs Beisammensein verwehrä und wärdid zu gegäbniger Ziit wieder informiere. Idr Zwischäziit wünschid miär allnä gueti Gsundheit und blickid optimistisch id Zuekunft.