GÖNNERBRUNCH / SOMMERPAUSE | 15.04.2012

Jetz isch au üse letschte "öffentliche" Uftritt für die Saison verbi. Am vergangene Sunntig hemmer üsi zahlriiche Gönner midem bekannte Sunntigsbrunch kulinarisch wie au musikalisch chli verwöhnt und underhalte. Viele Dank numal a all üsi Understützer. Somit staht no üsi GV als Abschluss vode Saison aa, dernaa hemmer chli Summerpause, wobi mier natürlich nid untätig blibid. Wie all Jahr wird vo üsem Biisitzer wieder es Summerprogramm zämegstellt, womer au mal chli unmusikalischi Aläss durefüehrid wie z.B. Brätle am See, Sunneuifgangstour usw. Obwohl, eigentlich wird au dennä mengisch chli Muisig gmacht, wenn au meistens ungeplant ;)